La “Ütia de Pütia”.
Na testemonianza dl tëmp passé
La “Ütia de Pütia” ê la pröma ütia de restoraziun sön le Jú de Börz. Te chësta funziun âra pité dî alalungia proteziun a viandanc, arpizadús y jënt co passâ dailó.
Tl ann 1969 l’á la Cöra da Balsan cumprada y restrotorada a na moda da podëi ti pité la poscibilité a mituns y a jogn da passé dis nia da desmentié tratan l’isté sot al crëp de Pütia.
Tl ann 2019 é la ütia endô gnüda ressanada, en chësc iade da funz sö. Te chësta ocajiun él gnü stlüt jö na convenziun cun le Sorvisc ai jogn Val Badia por la gestiun dla strotöra. Tres chësta colaboraziun importanta pó la Ütia de Pütia gní adorada tratan döt l’ann, nia ma d’isté sciöche denant.
Co ch’al êa eniade…
La Ütia de Pütia êa na strotöra fata sö ala bona, nia daldöt stabila, mo da sté saurí. Tla picia stöa ân podü passé en tëmp dër plajor o val iade ince scialdi dadalt, aladô dles situaziuns. Les ciamenes êa atrezades cun lec a ciastel por 8, 6, 4 y 2 porsones.
La ciasadafüch êa arjignada ite te na manîra sciompla mo bun. En forgoré a legna êa a desposiziun por cujiné y por scialdé sö l’ega. Le magazin êa dër gran, cun dlaciara y frescara.
Düc i locai, adenfora dles ciamenes da durmí, â la löm. Implü êl te ciasadafüch, tla veranda y tl magazin atacs eletrics.
