Por tigní inant le “flair” dla ütia da denant, él gnü tut la dezijiun da ressané la strotöra y de nia la trá jö deplëgn y la fá sö danü.
Do Pasca dl 2019 él gnü metü man cun i laurs de ressanamënt general dla “Ütia de Pütia”deache chësta ê scialdi en malester y al jê debojëgn de deplü laurs. Impröma él gnü ciavé do la strotöra fora, por ciafé na soluziun cuntra l’ umidité y al é gnü renforzé les fondamëntes. Daite él gnü trat jö val parëi y modifiché la spartiziun di locai. Por ciafé fora na maiú lerch plü funzionala, él gnü fat en pice ampliamënt a man ciampa, olache al á ciafé lerch la ciasadafüch y plü locai da lascé jö patüc. Suraía él spo indô gnü curí pro döt y fat vërt.
Dala pert dessura él gnü fat pormez i closec y les dusces.
Por ti dé la poscibilité da fá de beles esperiënzes tla natöra y passé en pü’ de tëmp te chësc bel post ince a jënt cun debojëgns fisics particolars, él gnü arjigné ite öna na ciamëna y closec aposta.
Tles alzades dessura al ciafé lerch deplü ciamenes, da 1, 5 y 8 lec.
I mürs é gnüs isolá y al é gnü arjigné ite n implant da scialdé, por podëi adoré la strotöra ince d’invern. Les finestres y portes é dötes gnüdes barates fora por avëi na despersciun termica minima.
I laurs de ressanamënt á podü gní fac dilan al gran sostëgn finanziar dla “Stiftung Südtiroler Sparkasse”, Ufizi dla jonëza ladina y todëscia, Ufize por les mendranzes linguistiches dla Regiun Trënt – Südtirol y da envalgügn privac.
