Le Jú de Börz (1.987 m.l.m.) é da ciafé sura le paisc d’Antermëia y al coliëia la Val Badia cun la Val de Funes.
Tratan l’isté é le Jú de Börz azessibl sides dala Val Badia sciöche ince dala Val de Funes. An pó l’arjunje sides cun l’auto privat sciöche ince cun i mesi publics che pëia ia da S. Pire de Funes o da S. Martin de Tor.
D‘invern él ma la poscibilité da passé tres la Val Badia.
I orars dl trasport publich pó gní ciará dô chiló.
Por dötes les informaziuns sön la viabilité y la stlüta dles strades, druchede chiló.
La Ütia de Pütia é posizionada sön la tëmpla a süd, dan le crëp de Pütia a ca. 500 m de destanza dal Jú de Börz.
La strada d’azes passa sura la Ütia de Börz ia. Atira do chësta él na strada che pëia a man ciampa ia y fora.
D’invern pó la Ütia de Pütia ma gni arjunta a pe, dô che an á parché diretamënter sön le Jú olache al é na plaza da parché debann. Al vëgn aconsié da se tó para na liösa por condü pormez a ciasa döt le material.
D’isté él la poscibilité da ruvé cina dan la Ütia de Pütia cun l’auto. Chiló pon lascé al plü dui auti. Sce an n’á deplü él da i lascé tla plaza da parché sön le Jú (d’isté a paiamënt).