A 30 min. dala plaza da parché sön le Jú de Börz, ti jon dô al trú nr. 8a cina ala incrujada dlungia ala Munt de Fornella y spo dô le nr. 8b cuntra le Jú de Göma, él da ciafé sön la man dërta sot al crëp de Pütia, en urt da arpizé dër aprijé dai amanc de chësc sport. Chiló él da ciafé indöt 25 rutes de vigni dificolté, da 4 cina a 7c. La maiú pert é danter 5a y 6b partídes sö te 5 seturs. Insciö él sides por i pici, co por i gragn val‘ lapró.
I atri urc da arpizé plü conesciüs tla Val Badia é da ciafé a Pederü, Ciastlins, Sas Stria, Sass Dlacia.
Tl cajo de bur’ tëmp él la poscibilité da arpizé tles strotöres da Bornech, tla Vertikale da Porsenú, o da bouldern tl local SaJ.un a La Ila o tl local da Corvara.
